Հոռետեսներն ապրում են երկար եւ լավատեսներից ավելի լավ

Գերմանացի գիտնականների վերջին ուսումնասիրությունները ցույց են տվել, որ լավատեսներն առավել հաճախ են ենթարկվում վտանգավոր հիվանդությունների ռիսկի, նույնիսկ՝ հաշմանդամության:

MedDaily.ru-ի փոխանցմամբ, հետազոտությունն անցկացվել է 10 տարվա ընթացքում: Դրան մասնակցել են շուրջ 40 000 կամավորներ: Գիտնականները նրանց խնդրել են գնահատել կյանքի որակը՝ առանձին ժամանակահատվածի համար, ինչպես նաեւ առաջիկա 5 տարվա հեռանկարները: 43%-ը թերագնահատել են սեփական հեռանկարները, 32%-ը՝ գերագնահատել, իսկ 25%-ի կանխատեսումներն իրականացել են: Գերագնահատման ցուցանիշի ցանկացած աճի դեպքում անգործունակության առաջացման հաճախականությունը, 10 բալանոց սանդղակով, աճել է 9.5%-ով, իսկ մահվան վտանգը՝ 10%-ով:

Գիտնականները եզրակացրել են, որ հոռետեսներն ավելի զգուշորեն են վերաբերել իրենց առողջությանը եւ կյանքին նայել են առավել իրատեսականորեն: Միաժամանակ, հետազոտության հեղինակները չեն բացառում անիրական, լավատեսական սպասելիքների դրական ազդեցությունը: Երբեմն դրանք օգնում են ծանր հիվանդ մարդկանց:

Հարցեր, պատասխաններ, մեկնաբանություններ